AMANZHOLOV UNIVERSITY-ДЕ МАСТЕР-КЛАСС

Сәрсен Аманжолов атындағы Шығыс Қазақстан университеті Гуманитарлық жоғары мектебінде «Аудармашы ісі» білім беру бағдарламасы аясында «Аудиовизуалды аударма» тақырыбында мастер-класс өтті.

Іс-шараның негізгі мақсаты — қазіргі аударма қызметінің ең қарқынды дамып келе жатқан бағыттарының бірі болып саналатын аудиовизуалды аударманың теориялық негіздері мен практикалық ерекшеліктерімен студенттерді таныстыру, сондай-ақ олардың кәсіби құзыреттіліктерін дамыту болды. Мастер-классқа «Аудармашы ісі» білім беру бағдарламасының бірінші курс студенттері қатысты.

Іс-шара барысында қатысушылар аудиовизуалды аударманың негізгі түрлері, атап айтқанда субтитрлеу, дубляж, кадр сыртындағы аударма және синхрондау туралы жан-жақты ақпарат алды. Сонымен қатар студенттер аудиоматериалдармен жұмыс істеудің практикалық дағдыларын меңгеріп, түпнұсқа мәтінді аудару кезінде мағыналық дәлдікті сақтау, стильдік сәйкестік пен мәдени бейімдеу мәселелерін талқылады.

Мастер-класс студенттердің кәсіби қызығушылығын арттырып, болашақ аудармашылар ретінде олардың практикалық даярлығын нығайтуға ықпал етті. Іс-шара қорытындысы бойынша фотоесеп дайындалып, университеттің әлеуметтік желілеріндегі парақшаларында жарияланды.