АМАНЖОЛОВ УНИВЕРСИТЕТІНДЕ ЖАҢА КОНСТИТУЦИЯ ЖОБАСЫН ТҮСІНДІРУ КЕЗДЕСУІ ӨТТІ

Бүгін Сәрсен Аманжолов атындағы Шығыс Қазақстан университетінде ҚР Жаңа Конституция жобасын түсіндіру жөніндегі кездесу ұйымдастырылды. Іс-шараға университеттің Басқарма төрағасы-ректоры Мұхтар Төлеген, басшылық құрам мүшелері және білім алушылар қатысты. Кездесу барысында жаңа конституциялық түзетулердің негізгі бағыттары мен олардың қоғамдық өмірге әсері кеңінен талқыланды.

Кездесудің басты мақсаты — студенттерді конституциялық өзгерістермен таныстыру және олардың құқықтық сауаттылығын арттыру. Ректор Мұхтар Төлеген жаңа Конституция жобасының азаматтардың құқықтары мен міндеттерін нақтылау, мемлекеттік басқарудың тиімділігін арттыру бағытындағы рөліне тоқталды. Сонымен қатар, студенттердің пікірлері мен сұрақтарына жан-жақты жауап берілді.

Студенттер белсенділік танытып, жаңа конституциялық нормалардың білім беру саласына, жастардың әлеуметтік құқықтарына әсері жайлы сұрақтар қойды. Сонымен қатар, Сәрсен Аманжолов атындағы Шығыс Қазақстан университетінің Құқықтану кафедрасының қауымдастырылған профессоры Гульмира Байркенова заң бойынша толық түсінік беріп, құқықтық аспектілерді нақты мысалдар арқылы түсіндірді. Бұл студенттердің конституциялық өзгерістерді тереңірек түсінуіне және құқықтық сауаттылығын арттыруға септігін тигізді.

Іс-шара барысында жаңа Конституция жобасының негізгі жаңалықтары мен маңызды принциптері түсіндірілді. Қатысушыларға түсінікті болу үшін визуалды материалдар, слайдтар және нақты мысалдар қолданылды. Бұл формат студенттердің ақпаратты тез қабылдауына және өз ойларын еркін жеткізуіне мүмкіндік берді.

Кездесу қорытындысында ректор студенттерді белсенді азаматтық ұстанымға шақырып, конституциялық өзгерістерге қатысудың маңыздылығын атап өтті. Іс-шара университеттің білім беру миссиясына сай құқықтық мәдениетті қалыптастыруға бағытталған маңызды бастама ретінде бағаланды.