АМАНЖОЛОВ УНИВЕРСИТЕТІ – ХАЛЫҚАРАЛЫҚ БІЛІМ БЕРУ КЕҢІСТІГІНДЕГІ СЕНІМДІ СЕРІКТЕС

Халықаралық білім беру кеңістігіндегі позициясын нығайту, сыртқы академиялық ұтқырлықты дамыту және шетелдік серіктес жоғары оқу орындарымен ынтымақтастықты кеңейту мақсатында Сәрсен Аманжолов атындағы Шығыс Қазақстан университетінде маңызды халықаралық академиялық оқиға жүзеге асты.

Атап айтқанда, Сотим Улугзода атындағы Тәжік халықаралық шет тілдері университетінен 2025–2026 оқу жылының екінші семестрінде «Аударма ісі» және «Саясаттану – Халықаралық қатынастар» білім беру бағдарламалары бойынша білім алатын студенттер академиялық ұтқырлық бағдарламасы аясында Сәрсен Аманжолов атындағы Шығыс Қазақстан университетіне келді.

Бұл бастама – екі жоғары оқу орны арасындағы ұзақ мерзімді әрі нәтижелі халықаралық серіктестіктің айқын көрінісі. Академиялық ұтқырлық бағдарламасы студенттерге білім беру тәжірибесін кеңейтуге, түрлі елдердің ғылыми-академиялық дәстүрлерімен танысуға, көпмәдениетті ортада кәсіби және тұлғалық құзыреттерін дамытуға мүмкіндік береді. Сонымен қатар, бұл үдеріс болашақ мамандардың халықаралық деңгейде бәсекеге қабілетті кадр ретінде қалыптасуына жол ашады.

Сәрсен Аманжолов атындағы Шығыс Қазақстан университеті шетелдік студенттерді қабылдауда жоғары академиялық стандарттарды, заманауи білім беру инфрақұрылымын және қолайлы әлеуметтік-мәдени ортаны ұсынатын жетекші жоғары оқу орындарының бірі болып табылады. Университет профессор-оқытушылар құрамының кәсіби әлеуеті, ғылыми-зерттеу жұмыстарының қарқынды дамуы және халықаралық жобаларға белсенді қатысуы – білім алушылар үшін сапалы академиялық тәжірибе алудың кепілі.

Тәжікстандық студенттерді қабылдау барысында университет тарапынан бейімдеу іс-шаралары ұйымдастырылып, оқу процесі, кампус инфрақұрылымы, студенттік өмір және мәдени бағдарламалар таныстырылды. Бұл өз кезегінде академиялық ұтқырлық аясында келген білім алушылардың жаңа ортаға тез сіңісуіне және оқу үдерісін табысты жалғастыруына жағдай жасайды.

Академиялық ұтқырлық бағдарламасы аясындағы бұл қадам – университетіміздің халықаралық білім беру кеңістігіндегі беделін арттырумен қатар, Орталық Азия елдері арасындағы ғылыми-білім беру байланыстарын тереңдетуге бағытталған маңызды стратегиялық қадам. Алдағы уақытта да Сәрсен Аманжолов атындағы Шығыс Қазақстан университеті халықаралық ынтымақтастықты дамытып, бірлескен білім беру бағдарламалары мен академиялық алмасу жобаларын кеңейтуді мақсат етеді.

Осылайша, шетелдік студенттердің университетімізде білім алуы – жаһандық білім беру талаптарына сай келетін, ашық әрі бәсекеге қабілетті жоғары оқу орны ретіндегі Сәрсен Аманжолов атындағы Шығыс Қазақстан университетінің әлеуетін тағы бір мәрте айқындай түседі.