АМАНЖОЛОВ УНИВЕРСИТЕТІНДЕ «GLIMPSES OF ITALY» АТТЫ АШЫҚ САБАҚ ӨТТІ

Сәрсен Аманжолов атындағы Шығыс Қазақстан университетінде Гуманитарлық ғылымдар жоғары мектебінің әдістемелік апталығы аясында «Glimpses of Italy» атты ашық сабақ өткізілді. Іс-шара 6В01707 – Шет тілдері (IP) білім беру бағдарламасының екінші курс студенттері үшін ұйымдастырылды. Сабақты аға оқытушы Елена Чжан жүргізді.

Сабақтың мақсаты – студенттердің Италия туралы мәдени-ағартушылық білімін тереңдету және итальян тілін оқуға тұрақты ынтасын қалыптастыру.

Сабақ барысында студенттер елдің мәдени, тарихи және географиялық ерекшеліктерімен танысты. Презентацияда Италияның ірі қалалары — Рим, Венеция және Флоренция, олардың сәулет ескерткіштері, мәдени дәстүрлері және әлемдік мұраға қосқан үлесі көрсетілді. Ерекше назар тарихи тұлғаларға, музыка мен балет өнерінің дамуына аударылды.

Сабақтың бөлек бөлімі итальян асханасына арналды: студенттер ұлттық мәдениеттің символына айналған танымал тағамдар мен дәстүрлі дәмдер туралы пікір алмасты. Сондай-ақ, ұлттық мерекелер мен фестивальдер, соның ішінде әйгілі итальян карнавалы қарастырылды.

Іс-шараның интерактивті бөлігін студент Аяжан Оралғазина ұйымдастырған Kahoot! форматындағы мәдениеттану викторинасы безендірді. Викторина нәтижесінде жеңімпаздар анықталды. Сонымен қатар, студенттерге өткен жылдың желтоқсанында Генуя университетінде профессор Алессандро Фигуспен итальян тілінен курс өткен студент Алексей Бородулиннің қолдауымен итальян тілінде сөйлесу мүмкіндігі берілді.

Сабақ интерактивті қарым-қатынас форматында өтіп, академиялық белсенділік пен танымдық қызығушылық атмосферасын қалыптастырды. Белгіленген мақсаттар сәтті жүзеге асырылып қана қоймай, студенттер жоғары деңгейде белсенділік пен қызығушылық көрсетті.